Cooking Nai
San Xoán




Festividade de orixe pagano celebrada antigamente o 21 de xuño, coincidicindo coa chegada do solsticio de verán. Actualmente celébrase a noite do 23 de xuño en honra a San Xoán Bautista.
En Galicia é moi común relacionar esta festividade coa noite das meigas onde se facían fogueiras como símbolo purificador. A tradición máis estendida é a de saltar por riba da fogueira nove veces para ter sorte todo o ano.
Outra tradición é a das sete herbas de San Xoán, na que había que coller sete plantas diferentes, deixalas repousar toda a noite da festa e a mañá seguinte lavar a cara con elas para espantar aos malos espíritos (Elías, 2016).


Sardiñas asadas

INGREDIENTES:
-
Cantas sardiñas se queiran
-
Sal





PREPARACIÓN:
-
Engadir o sal unha ou dúas horas antes de asarse na brasa as sardiñas.
-
Colocar na grella de maneira horizontal, poñendo a cabeza da sardiña xunto co rabo doutra.
-
Asar por ambos lados ao gusto do comensal.
(Prada, 1990).
Cabrito


INGREDIENTES:
-
Medio cabrito
-
1 cebola grande
-
1 limón
-
1 vaso de viño tostado
-
1 vaso de vinagre
-
Patacas
-
Pemento vermello
-
2 culleres de auga
-
1 rama de perexil
-
1 cabeza de allos
-
Miga de pan
-
Aceite
-
Sal
PREPARACIÓN:
-
Limpamos e troceamos o cabrito.
-
Esmagamos nun morteiro os allos e un bo feixe de perexil.
-
Poñer nunha pota a auga e a miga de pan a cal debemos desmigar ben.
-
Engadimos o allo triturado, o perexil e o sal.
-
Adobamos con esta mestura o cabrito e deixámolo ata o día seguinte na neveira.
-
Sacamos o adobo e douramos o cabrito nunha tixola con aceite de oliva.
-
Retiramos os anacos unha vez dourados para unha tarteira.
-
Colamos o aceite sobrante e botámolo sobre o cabrito. Se vemos que non é suficiente, botamos un pouco máis de aceite frío.
-
Cortamos a cebola partida en 6 anacos e incorporámola ao cabrito. Engadimos unhas ramas de perexil, o viño tostado e deixamos que se faga a fogo lento.
-
Dámoslle a volta de vez en cando para que se vaia facendo ben e unha vez brando o cabrito, retiramos os anacos a unha fonte e esparexemos o zume de limón.
-
Coamos de novo a salsa da tarteira e botámola por riba do cabrito.
-
Metemos ao forno moderado (180ºC) para que se doure a carne.
-
Sérvese na tixola adornado con patacas en anacos e pementos morróns.
(Shealf´s Blog, 2009).















Churrasco de porco e tenreira



INGREDIENTES:
-
1,5 kg de costela de porco ou falda de tenreira
-
1 lata de cervexa
-
Tomiño
-
Sal grosa
-
Romeu
-
Aceite de Oliva Virxe Extra






PREPARACIÓN:
-
Preparamos a carne unhas horas antes; partimos o costelar en 3 pezas.
-
Engadímoslle sal, un pouco tomiño e pónse nunha bandexa coa lata de cervexa.
-
Mover as pezas cada 30 minutos par que se mariñen na cervexa.
-
Poñer as costelas nunha bandexa con grellas para escorrer as pezas.
-
Engadir unha capa lixeira de aceite e esparexer tomiño, sal e pementa.
-
Coloca a grella na parte baixa e coloca as pezas pola parte magra. Deixar durante 2 minutos.
-
Subir a grella ao lugar máis alto e ir dándolle voltas ata que collan cor tostada.
-
Retirar as costelas engadir sal e acompañalo con patacas.

Queimada



INGREDIENTES:
-
2 litros de augardente branca
-
300 g de azucre
-
A pel de dous limóns
-
A pel dunha laranxa
-
1 puñado de grans de café






PREPARACIÓN:
-
Colócase nun recipiente de barro cocido propio para facer a queimada a augardente e o azucre na proporción de 150 gramos por cada litro de augardente. Neste caso 300 gramos de azucre en 2 litros de augardente.
-
Pelamos os limóns e a laranxa e botamos a casca no recipiente de barro.
-
Nun cullerón poñemos 2 culleradas de azucre cun pouco de augardente e prendémoslle lume. Unha vez prendida a chama, aproximámola ao recipiente da queimada para que comece a arder.
-
Temos que ir removendo a queimada con coidado, dando voltas sen chegar ao fondo, onde se acumula case todo o azucre.
-
Engadimos un puñado de grans de café para que a bebida teña un color tostado.
-
Removemos ata que que vaia queimando a augardente. Unha vez a chama está dunha cor azulada (debido ao azucre) quere dicir que o alcohol xa se está consumindo. Se deixamos queimar todo o alcohol, conseguiremos unha auga doce e quente.
-
Unha vez queimada a augardente, apagamos o lume cun forte sopro.
-
Servimos a queimada quente nunha cunca de barro ou nun vaso de cerámica para que se manteña a temperatura.
(López, 2010b).
Imaxes e GIFs baixo créditos Creative Commons
Conxuro da queimada


Mouchos, coruxas, sapos e bruxas.
Demos, trasgos e diaños,
espritos das nevoadas veigas.
Corvos, pintigas e meigas,
feitizos das menciñeiras.
Podres cañotas furadas,
fogar dos vermes e alimañas.
Lume das santas Compañas.
Mal de ollo, negros meigallos,
cheiro dos mortos, tronos e raios.
Ouveo do can, pregón da morte;
fuciño do sátiro e pé do coello.
Pecadora lingua da mala muller
casada cun home vello.
Averno de Satán e Belcebú,
lume dos cadavres ardentes,
corpos mutilados dos indecentes,
peidos dos infernales cus,
muxido da mar embravescida.
Barriga inútil da muller solteira,
falar dos gatos que andan á xaneira,
guedella porca da cabra mal parida.
Con este fol, levantarei as chamas deste lume
que asemella ó do inferno
e fuxirán as meigas a cabalo das súas escobas,
índose bañar na praia das areas gordas.
¡Oíde, oíde! os ruxidos que dan as que
non poden deixar de queimarse
no augoardente quedando así purificadas.
E cando esta brebaxe baixe polas nosas gorxas,
quedaremos libres dos males
da nosa alma e de todo embruxamento.
Forzas do Ar, Terra, Mar e Lume,
a vós fago esta chamada:
Si é verdade que tedes máis poder que a humana xente,
eiquí e agora, facede que os espritos dos amigos que estean fóra,
participen con nós desta queimada.


